Impakdaar ti Philippine Atmospheric, Geophysical and Astronomical Services Administration (PAGASA) ita nga aldaw, Septiembre 2, a ti Low Pressure Area (LPA) iti daya ti Northern Luzon ken ti abagat (southwest monsoon) ti agtultuloy a mangyeg iti tudo iti entero a pagilian.
Itay 3:00 ti parbangon, nasaripatpatan ti PAGASA ti LPA iti 865 a kilometro iti daya ti Northern Luzon.
Segun iti PAGASA, dagitoy a kasasaad ti panawen ti mangpapigsa iti abagat a mangapektar iti Southern Luzon, Visayas, ken iti amianan a paset ti Mindanao.
Naulep a tangatang a buyogen ti naiwaras a tudo ken bayakabak a patauden ti LPA ti mapasaran iti Cagayan Valley, Central Luzon, Ifugao, ken Benguet.
Ti met abagat ti mangyeg iti naulep a tangatang ken napigsa a tudo iti Metro Manila, Calabarzon, Mimaropa, Western Visayas, Camarines Norte, ken Camarines Sur.
Pannakakemmeg ni Sen. Dela Rosa, imbilin ti DOJ; PNP, pinagtignay ni DILG Sec. Remulla
Dinagadag ti PAGASA dagiti residente ken kadagiti disaster risk reduction and management office (DRRMO) ti ili nga agridam ken agannadda, ta mabalin a mangipaulog ti PAGASA kadagiti Heavy Rainfall Warning ken Thunderstorm Advisories ita nga agmalem (Sept. 2). (Merlina Hernando-Malipot/Manila Bulletin//Lito Hilidon/Bannawag)
