Saan nga eksklusibo ti panagkunniber iti maysa laeng a sektor.
Daytoy ti insungbat ni Tingog Party-list Rep. Jude Acidre iti sinao ni Executive Secretary Lucas Bersamin kontra kadagiti kameng ti Kamara mainaig iti isyu ti ₱6.793 a trilion a National Expenditure Program (NEP) para iti 2026, itay ngudo ti lawas.
Iti maysa nga statement idi Sabado, Septiembre 6, binabalaw ni Bersamin dagiti kameng ti Kamara gapu iti maipagarup a panangpabasolda kadagiti panagkunniber ken pannakapaay dagiti opisial ti gabinete wenno ti ehekutibo.
Kinuna ni Bersamin a masapul a dalusan pay nga umuna ti Kamara ti paraanganna.
Tignay ti Kamara iti kaso nga impeachment kontra ken ni VP Sara, maammuan ita nga aldaw
Segun ken ni Acidre idi Septiembre 7, saan met mabalin nga ipagarup a maymaysa laeng a sektor ti rinuker, ngem paset ketdi daytoy ti agtultuloy a proseso ti panangdusa kadagiti nagbasol.
Kinuna ni Acidre nga awatenna ti karit ni Bersamin a dalusan nga umuna ti Kamara, ngem kasta met koma ti maaramid kadagiti dadduma pay nga opisial ti gobierno. (Ellson Quismorio/Manila Bulletin//Lito Hilidon/Bannawag)
