AWAN TI GHOST PROJECTS ITI ILOCOS SUR. Naminsan pay a pinaneknekan ti gobierno probinsial ti Ilocos Sur ti napintas a panangmanmanna (monitoring and evaluation) kadagiti inyimplementarna a proyekto kalpasan a binigbig manen ti Regional Development Council (RDC) 1 ken Regional Project Monitoring Council babaen ti pannakaipaay ti Dayaw ti Agimanman - Saririt Award iti Ilocos Sur iti maikatlon nga agsasaruno a tawen. Inawat ni Gobernador Jeremias "Jerry" Singson (maikapat manipud kanigid) ti plake ti pammigbig manipud ken ni DepDev Regional Director ken Acting RDC-1 Chair Stephanie F. Christiansen (maikatlo manipud kanawan) idi Septiembre 10, 2025 bayat ti awarding ceremony a naangnay iti Speaker Pro-Tempore Francisco I. Ortega Convention Center iti Siudad ti San Fernando, La Union. Kadua ti gobernador a nangawat iti pammadayaw da Provincial Administrator Marlon F. Tagorda ken OIC Provincial Engineer Leonard Pascua (maikatlo ken maikalima manipud kanigid, kas panagsaganadda). (Teksto: Mancielito S. Tacadena/Ladawan manipud iti Opisina ti Gobernador ti Ilocos Sur).
