Impanamnama ni Department of Public Works and Highways (DPWH) Sec. Vince B. Dizon idi Biernes, Sept. 12, a maisubli ti pondo ti publiko a mapapati a napukaw gapu iti iregularidad kadagiti flood control projects, nga impaganetgetna a masapul a maisubli ti kuarta ti umili (taxpayers) a mapapati a tinakaw dagiti naglabsing nga opisial ken kontraktor.
Kas panangipatungpal iti direktiba ni Presidente Ferdinand “Bongbong” Marcos Jr., kinuna ni Dizon a makitinnulong ti DPWH iti Anti-Money Laundering Council (AMLC) tapno ma-freeze ken ma-forfeit dagiti sanikua dagiti nairaman.
“Mataripnongak iti Anti-Money Laundering Council inton Lunes (Sept. 15) tapno mapagpatangan ti posible a pannaka-freeze ken ken pannaka-forfeit dagiti sanikua dagiti nairaman iti daytoy a dakkel a panagtakaw iti pondo ti publiko,” kinunana iti maysa a press conference.
“Saan nga umdas ti pannakaibalud laeng—masapul a maisubli ti kuarta ti umili. Amin dagiti maipilaan iti kaso a kriminal iti Ombudsman, sanguenda pay ti pumada a proseso tapno maala ti pondo ti publiko,” innayonna.
Kaso nga impeachment kontra ken ni Marcos, winaswas ti Kamara
Impaganetget ti hepe ti DPWH nga agtultuloy ti imbestigasion ken pannakaipila dagiti non-bailable criminal cases iti Ombudsman, a linawas a maipila dagiti baro a kaso. (Trixee Rosel/MANILA BULLETIN)
