Nagruruar dagiti estudiante ken kameng ti komunidad ti UP kadagiti klaseda ket nangisayangkatda iti protesta a maibusor iti panagkunniber kadagiti proyekto ti gobierno, iti University of the Philippines Diliman iti Quezon City idi Biernes, Sept. 12. Indagadag dagiti nagprotesta iti gobierno a mapasungbat dagiti opisial kadagiti anomalia kadagiti flood control project ket kiniddawda ti nangatngato a badiet ti edukasion iti baet dagiti dadakkel a panagkissay iti badiet ti edukasion ken dagiti di nalnalpas nga impraestruktura. (Santi San Juan/MB)

Mang-deploy ti Philippine National Police (PNP) iti agarup 50,000 a polis kas paset ti security ken contingency measures para iti anti-corruption protest action inton Domingo, Septiembre 21, a maigiddan met iti pannakalagip ti deklarasion ti martial law idi panawen ni dati a presidente Ferdinand E. Marcos Sr..

Segun ken ni Acting PNP Chief Lt. Gen. Jose Melencio C. Nartatez Jr., panggep ti pannaka-deploy ti adu a polis iti ranta a masigurado ti natalna ken naurnos a pannakaisayangkat dagiti nadumaduma nga aktibidad a maangay iti dua a kangrunaan a lugar iti Metro Manila—Luneta iti Manila ken People Power Monument iti Quezon City.

"Idinto raemenmi ti karbengan ti tunggal Filipino a sitatalna a mangyebkas kadagiti kapanunotanda, ti kangrunaan a pagrebbenganmi ket ti panangsalaknib iti biag ken sanikua. Nasanay ken nakasagana dagiti taomi sanay ken nakasagana a mangsigurado nga agtalinaed a naurnos ken natalged dagiti protesta para iti amin,” kinuna ni Nartatez.

Segun ken ni Nartatez, mairaman iti deployment ti 10,000 a uniformed personnel kadagiti fixed visibility posts; nasurok a 17,000 iti mobile patrol; nasurok a 3,000 a tumulong a mangiturong iti trapiko; nasurok a 9,000 ng agyan iti checkpoints ken border control points; agarup 6,000 a nakasagana para iti crowd management; ken agarup a nasurok a 4,500 para iti Reactionary Standby Support Force (RSSF).

Nasional

Senado, pinasingkedanna ti ₱6.793-trilion a nailian a badiet para 2026

Kinuna ni Nartatez nga adda pay agarup 415 a drone operators a ma-deploy.

Rinibu a tattao ti maekspektar a sumali kadagiti rali kas protesta kadagiti iregularidad kadagiti proyekto a pangkontrol iti layus a pakairamanan ti binilion a pisos iti pondo ti gobierno.

Imbutaktak ni Presidente Marcos Jr. dagiti anomalia ken nangaramid iti komision a mangpasungbat kadagiti naglabsing.

Malaksid iti Metro Manila, maangay pay ti sumagmamano a protest actions adagiti probinsia. (Aaron Recuenco/MANILA BULLETIN)