Dinayyeg ti magnitude 5.6 a ginggined ti probinsia ti La Union itay parbangon ita a Biernes, Septiembre 19, a narikna met kadagiti dadduma a paset ti Luzon, segun iti Philippine Institute of Volcanology and Seismology (Phivolcs).
Narikna ti dayyeg a gapuanan ti panaggaraw ti tectonic plate itay 3:52 iti parbangon, ket adda ti epicenter iti 49 a kilometro iti amianan a laud ti ili ti Luna.
Kuna ti Phivolcs a narikna ti Intensity III iti Bolinao ken Bani, Pangasinan; Sinait ken Vigan City, Ilocos Sur; ken iti Bontoc, Mountain Province.
Intensity II ti narikna iti Laoag City, Ilocos Norte; Candon ken Narvacan iti Ilocos Sur; Bangar, La Union; Dagupan City, Urdaneta, ken Lingayen, Pangasinan.
Narikna met ti Intensity I kadagiti nadumaduma a paset ti Bataan, Baguio City, Bulacan, Cagayan, Ilocos Norte, Ilocos Sur, Malabon, Pampanga, Pangasinan, Tarlac, ken Zambales.
Petision ni Manases Carpio kontra iti kaso nga impeachment ni VP Duterte, inlaksid ti korte
Segun iti Phivolcs, awan ti mabalin iti nadadael gapu iti ginggined, ngem mabalin a rumsua dagiti aftershock. (Jel Santos/Manila Bulletin//Lito Hilidon/Bannawag)
