Pito a mangngalap ti nalmes kalpasan a limned ti bangkada iti baybay ti Brgy. San Vicente, Sta. Ana, Cagayan, bayat ti ilalabas ti Super Typhoon Nando iti probinsia idi Lunes, Septiembre 22.
Innem ti immuna a naalaw ken nakalasat a mangngalap a kakadua dagiti natay.
Segun iti datos ti Coast Guard District North Eastern Luzon (CGDNEL), naipan dagiti pimmusay a mangngalap iti Rural Health Unit ti Sta. Ana, Cagayan para iti para iti umisu a disposisyon.
Marcos, Robredo, nagsarak iti Naga city
Dagiti sumaganad dagiti 7 a pimmusay:
*Jimmy Pascual ti Casambalangan, Sta.Ana,Cagayan
* Mark Dave Ponteliar ti Pitogo, Quezon
* Chris Prodente Sanchez ti Real, Quezon Province
* Russel Loresto ti Pitogo, Quezon Province
* Rommel Moong ti Pitogo, Quezon Province
* Randy Roldan ti Quezon Province
* George De Los Santos ti Quezon Province
Dagiti 6 a naalaw ken nakalasat:
*Jayson Garcia ti Quezon Province
* Glen Mansalapas ti Quezon Province
* Jerrymar Quiap ti Quezon Province
* Eric Altamarino ti Quezon Province
* Jason Bago ti Daet, Camarines Norte
* Ronaldo Roldan ti Pitago, Quezon
Kinompirmar ti Coast Guard a 13 a mangngalap ti nakalugan iti bangka a nagirig sa limned gapu iti napipigsa a dalluyon ken siplag ti angin a ginubuay ti bagyo.
Naisayangkat ti search and rescue operations babaen ti panangidaulo ti CGDNEL, Coast Guard Sub-station Sta. Ana, Philippine Navy, Coast Guard Special Operations Group Divers, Coast Guard Medical Team, ken dagiti rescuer LGU-Sta. Ana. (Susan L. Mapa/Cagayan Provincial Information Office)
