Mabalin a mamulta dagiti kompania ti konstruksion a kukua ti da Pacifico “Curlee” Discaya ken Cezarah Rowena “Sarah” Discaya iti agdagup iti ₱300 a bilion gapu iti mapapati a panangsuitik iti nasurok a 1,200 a kontrata ti flood control projects ti Department of Public Works and Highways (DPWH).
Kinuna ni DPWH Secretary Vince Dizon idi Biernes, Oktubre 3, a nakaala dagiti siam a kompania a kukua dagiti Discayar iti 1,214 a proyekto nga aggatad iti ₱77.934 a billion manipud 2016 agingga iti 2025.
Gapu kadagitoy a panaglabsing, naikkat dagiti lisensiada kas kontraktor ken naipilaanda iti dua a kaso iti Philippine Competition Commission (PCC) para kadagiti posible a dusa iti babaen ti anti-competitive practice laws.
“Ti maximum penalty, ₱250 a million iti tunggal kontrata, isu a talaga a nangatngato ti dusa (multa) ngem ti balor dagiti kontrata,” kinuna ni Dizon.
Pannakaimbestigar ti mining permit iti Dupax del Norte, kiniddaw ni Sen. Pangilinan
Segun pay ken ni Dizon, inadmitir dagiti agassawa a Discaya bayat ti hearing ti Senate Blue Ribbon Committee a pasaray agsasalisal iti tunggal maysa dagiti kompania para kadagiti isu met laeng nga isu a proyekto, a nakaibutaktakan ti sistematiko a manipulasion a mangdadael iti panagtalek ti publiko iti panaggasto ti gobierno. (Trixee Rosel/MB)
