Indagadag ti Philippine National Police (PNP) ti pannakaipila ti darum kontra iti akinkukua iti maysa a bodega iti Barangay Laois, Labrador, Pangasinan a nakakompiskaran dagiti autoridad iti mapapati a shabu nga agbalor iti ₱6.8 a billion idi rabii ti Biernes, Oktubre 3.
Makasuan met ti dua a lallaki a natiliwan iti mapapati a shabu nga aggatad iti ₱850 a milion iti naisayangkat a buy-bust operation iti Bugallon, Pangasinan idi Huebes, Oktubre 2.
Kinuna ni PDEA Director General Undersecretary Isagani Nerez a palpalutpotenda ti kinasiasino dagiti personalidad iti likudan ti panagtagilako iti illegal a droga iti Pangasinan.
Presidente Marcos, nagpaayab iti special session ti Kongreso inton Hunio 17
Nagyaman ni Nerez iti Pangasinan Provincial Police Office nga idauluan ni Police Col. Arbel Mercullo gapu iti panangsuportarna iti PDEA iti operasion.
Impaganetget ni Nerez a naisayangkat ti operasion buyogen ti napigsa a panagkumit iti human rights.
“No kitaentayo ita, nakangatngato ti kaadu dagiti makokompiskar ngem awan ti natay," kinunana.
Napaliiw ni Nerez a ti kaadu dagiti droga a nakompiskar kadagitoy nga operasion, narimbawannan dagiti nairekord iti sidong ti napalabas nga administrasion. (Liezle Basa Iñigo/MB)
