Inaklon ni House Speaker Faustino "Bojie" Dy III ita nga aldaw, Oktubre 6, a bimmaba ti panagtalek dagiti Filipino iti Kamara.
Iti panagbitlana iti flag-raising ceremony a naangay ita nga aldaw, awan ti dinakamatna a bilang a pammaneknek iti pannakaamirisna.
Segun ken ni Dy, saan a nalaka ti kasasaad ti Kamara ita, ket nadagsen ti karit a sangsanguen dagiti kongresman.
Nupay saanna a dinakamat, ti Kamara, wenno ti sibubukel a Kongreso a pakairamanan ti Senado, ti yan ti atension ti publiko gapu iti kaadu ti naibutaktak a panagkunniber kadagiti naanomalia a flood control project.
Nainkalintegan man wenno saan, napadaksan dagiti senador ken kongresman gapu iti maipagarup a pannakairamanda kadagiti panagkunniber iti flood control project.
Pannakaiparang dagiti dokumento iti banko, buis, ken AMLC ni VP Duterte, inanamongan ti impeachment court ti Senado
Ngem liniwliwa met laeng ni Dy dagiti padana a kongresman ket inturongna ti atensionda iti nasaysayaat a direksion ti Kamara, babaen ti naan-anay ken napudpudno a panagtrabahoda tapno maisubli ti panagtalek dagiti umili kadakuada. (Ellson Quismorio/Manila Bulletin//Lito Hilidon/Bannawag)
