Insaganan ti Department of Social Welfare and Development (DSWD) ti Mobile Command Center (MCC) iti Davao Region kalpasan a dinayyeg ti magnitude 7.4 a ginggined ti Davao Oriental a nangparnuay iti tsunami alert ken nangpugsat iti linia ti koriente ken komunikasion iti entero a probinsia.
Segun iti DSWD Field Office XI (FO-11), naisaad a dagus ti MCC kas imbilin ni Regional Director Rhuelo Aradanas tapno masigurado ti aktual a panangmonitor ken pannakikoordinarda iti baet ti emerhensia.
Ti MCC ti agpaay a sentro ti komunikasion ken response operation tapno mapadaras ti koordinasion ti National Disaster Risk Reduction and Management Council (NDRRMC) ken local government units (LGU).
Siguraduen ti FO-11 nga agtultuloy ti komunikasion tapno mapapardas ti pannakaipaay ti tulong kadagiti naapektaran a pamilia.
VP Sara, tinagibassitna ti impeachment complaint iti Kamara
Makikoordinar ti DSWD FO-11 kadagiti dadduma pay nga ahensia ti gobierno para iti napardas a pannakaipatulod dagiti relief goods, lohistika, ken kaudian a damag iti kasasaad dagiti naapektaran nga ili.
Kuna ti DSWD a sisasaganada a mamaggunay iti Quick Response Teams (QRT) ken ipatuloddan dagiti maipaay nga ayuda apaman a maawatda ti report dagiti gobierno lokal no kasano tikakaro ti pannakadidigra ti lugarda. (Jel Santos/Manila Bulletin//Lito Hilidon/Bannawag)
