Impasigurado ti Malakanyang iti publiko nga agtungpal amin a kameng ti Executive Department, agraman ni Presidente Marcos Jr, iti ania man a pammilin manipud iti Office of the Ombudsman a mangipalubos iti pannakaipakita iti publiko iti Statements of Assets, Liabilities, and Net Worth (SALN).
Daytoy ti kinuna ni Communications Undersecretary Claire Castro ta nakasaganan ti Ombudsman a mangipaulog iti memorandum tapno maikkat dagiti restriksion iti pannakalukat iti publiko iti nadakamat a dokumento.
Iti press briefing-na ita a Lunes, Oktubre 13, kinuna ni Castro a suroten ti presidente ti ania man nga ibilin ti linteg ken no ania ti kasayaatan a maaramid para iti pananglaban iti panagkunniber.
“No ania ti rebbengna a maaramid ken no ania ti imanmandar ti linteg ken no ania ti nasayaat tapno malabanan ti panagkunniber, agtungpal met amin nga adda iti Executive Department ,” kinunana.
Mapukpukaw a nobia, nasarakan iti Pangasinan
Idi nasaludsod no nakasagana ni Marcos a mangiruar iti bukodna a SALN no makiddaw, insungbat ni Castro: “Amin a kameng ti Executive Department, nakasaganada,” insungbatna. (Argyll Cyrus Geducos/Manila Bulletin)
