Saan nga umanamong ti kameng ti Independent Commission for Infrastructure (ICI) a ni Rogelio Singson a mapagbalin nga state witness dagiti tattao a nairaman kadagiti naanomalia a flood control project, a kinuna a saan a maibilang a kababassitan ti basol dagitoy.
"Dimi pay pulos napanunot ta para kaniak laeng, adayo a digo dayta a mapasamak... State witness? Saan a mabalin," kinuna ni Singson iti beterano a periodista a ni Karen Davila iti maysa a video interview a na-upload iti YouTube.
Kinuna ni Singson, a nangilawlawag a personal nga opinionna ket saan a ti tallo-kameng nga ICI, a saan a rumbeng a maikkan iti proteksion ti gobierno dagiti agassawa a kontraktor a da Pacifico ken Sara Discaya wenno dagiti inheniero ti Department of Public Works and Highways (DPWH) a da Henry Alcantara ken Brice Hernandez.
"Saan nga isuda dagiti kababassitan ti nakabasolan. Kangrunaan a nagaramid (iti mapapati nga anomalia) dagitoy," kinunana.
Mapukpukaw a nobia, nasarakan iti Pangasinan
"Nagnumar dagitan. Hustonan. Nakaungeten dagiti umili gapu kadakuada sa ikkam ida iti state protection tapno saanen a manayonan dagiti kasoda ket ragsakenda a pagnumaran dagiti benepisio a naalada iti naanomalia nga aramidda? Saan a kasta," innayonna.
Ti idea a mapagbalin a kas state witness dagiti Discaya, da Alcantara, Hernandez, ken Jaypee Mendoza (maysa pay nga assistant district engineer ti DPWH) ket naipadpadamagen, sakbay pay a nabukel ti ICI, kas kasukat ti panangibutaktakda iti amin-amin maipanggep iti naanomalia a flood control project.
Kinuna ti dati a sekretario ti Department of Justice (DOJ) ken Ombudsman itan a ni Jesus Crispin Remulla a kitkitaenda a pagbalinen dagiti nadakamat a tattao a kas "protected witnesses." (Joseph Pedrajas/MB)
