Saan a makaapektar ti pannakaikkat ni Karim Khan kas chief prosecutor iti kaso ni dati a presidente Rodrigo Duterte iti International Criminal Court (ICC), segun iti panakangiwat ti ICC ken iti Office of the Prosecutor (OP).
Iti maysa nga statemnet, pinasingkedan ni panakangiwat ti ICC Fadi el Abdallah ti pangngeddeng ti Appeals Chamber ti ICC a nangikkat ken ni Khan maibasar iti Article 42(7) ti Rome Statute a mangiparit iti prosecutor a makipaset iti ania man a banag a mangpataud iti panagduadua iti kinapatasna.
Inikkat ti Appeals Chamber ni Khan gapu iti pannakiramanna iti pannakaidatag ti Article 15 communication ken ni dati a prosecutor Mme Fatou Bensouda, sakbay pay ti pannakadutokna iti ICC.
Ngem impaganetgetna nga awan ti epekto daytoy iti kaso ni Duterte, ta ni Deputy Prosecutor Mame Mandiaye Niang ti mangakemen iti trabaho ti Office of the Prosecutor iti kaso ni Duterte.
Pannakakombiktar ti tallo a polis a nangpapatay ken ni Kian delos Santos, pinatalgedan ti Korte Suprema
Iti sabali pay nga statement, kuna ti OP a bigbigenda ti pannakaikkat ni Khan, ngem impasiguradoda nga awan ti epekto daytoy iti kaso ni Duterte.
Segun iti OP, ni Niang ti mangiwarwardasen iti panagimbestigar ken panangusig iti kaso ni Duterte, ket nairupirna ti kaso maibasar kadagiti natibker nga ebidensia, ken impormasion a nakalapda manipud kadagiti adu a tattao, agraman pananginterbiu kadagiti testigo, impormasion nga aggapu kadagiti pagilian, internasional a kaasmang, ken para iti publiko nga impormasion.Pannakaikkat ni Karim Khan kas prosecutor, awan epektona iti kaso ni Duterte
Itay napan a lawas, saan a pinatgan ti ICC ti kiddaw ni Duterte nga interim release kalpasan a maitantan ti confirmation of charges gapu iti imbaga ti depensa a saan a kabaelan ni Duterte ti sumango iti pannakausig. (Raymund Antonio/Manila Bulletin//Lito Hilidon//Bannawag)
