Dinayyeg ti magnitude 6.0 a ginggined ti Surigao del Norte itay 7:03 iti bigat, Oktubre 17, segun iti Philippine Institute of Volcanology and Seismology (Phivolcs).
Magnitude 6.2 ti damo a panangrukod ti Phivolcs, ngem binaliwanda daytoy iti 6.0.
Adda ti epicenter ti ginggined iti 22 a kilometro iti abagatan a daya ti General Luna, Surigao del Norte, iti kauneg a 28 a kilometro.
Narikna ti Intensity IV (kalalaingan a pigsa) iti ili ti Anahawan, Hinunangan, Hinundayan, Liloan, Pintuyan, Saint Bernard, San Francisco, San Juan, San Ricardo, ken Silago iti Southern Leyte; Siudad ti Butuan iti Agusan del Norte; Libjo ken Tubajon iti Dinagat Islands; ken Surigao City iti Surigao del Norte.
Nadaras a pannakairuar ti ayuda kadagiti naapektaran ti didigra, imbilin ni Marcos
Intensity III (nakapuy) ti narikna iti Abuyog, Dulag, Palo, ken Tacloban City iti Leyte, ken Nasipit, Agusan del Norte; idinto nga Intensity II (apagrikna) iti Alangalang, Babatngon, ken Burauen iti Leyte; Malaybalay City, Bukidnon; Cagayan de Oro City, Misamis Oriental; ken Laak, Maco, Monkayo, ken New Bataan iti Davao de Oro.
Inlawlawag ti Phivolcs a ti ginggined ket saan nga aftershock ti magnitude 7.4 a ginggined idi Oktubre 10, nupay iti sapasap, agpapada a panaggaraw ti Philippine Trench ti nangpataud iti ginggined.(Ellalyn De Vera-Ruiz/Manila Bulletin//Lito Hilidon/Bannawag)
