Agtalinaed iti Tropical Cyclone Wind Signal (TWCS) No. 1 dagiti nadumaduma a paset ti amianan a Luzon, bayat ti iruruar ni Bagyo Ramil iti Philippine Area of Responsibility (PAR) ita nga aldaw, Oktubre 20, segun iti Philippine Atmospheric, Geophysical and Astronomical Services Administration (PAGASA).
Maibasar iti waragawag ti PAGASA, nasaripatpatanda ni Ramil iti 350 a kilometro iti laud ti Sinait, Ilocos Sur itay 4:00 iti parbangon, agpaamianan a laud iti kapardas a 25 a kilometro kada oras.
Agpigsa ni Ramil iti 65 a kilometro kada oras iti asideg ti sentrona ken pugso nga agingga iti 80 a kilometro kada oras.
Nagtalinaed iti Signal No. 1 ti Ilocos Norte, Ilocos Sur, La Union, ti amianan ken laud a paset ti Pangasinan (Sual, Mabini, Dasol, Burgos, Agno, Bani, Bolinao, City of Alaminos, Anda, Infanta, Labrador, Lingayen, San Fabian, Dagupan City, Binmaley, Bugallon, Sison, Mangaldan, San Jacinto, Pozorrubio), Abra, ken ti laud a paset ti Benguet (Bakun, Kibungan, Kapangan, Tublay, La Trinidad, Baguio City, Tuba, Sablan).
Mapukpukaw a nobia, nasarakan iti Pangasinan
Ni Ramil ken ti easterlies ti mangyeg iti napigsa nga angin iti Ilocos Region, Cordillera Administrative Region, Cagayan Valley, Central Luzon, ken Occidental Mindoro. (Ma. Cristina Arayata/PNA//Lito Hilidon/Bannawag)
