Sisasagana ti Philippine National Police (PNP) a mangipatungpal iti ania man a court order mainaig iti kaso dagiti mapukpukaw a mammallot ("sabungeros"), nangruna iti pannakaipaay iti warrant of arrest.
Daytoy ti kuna ti PNP kalpasan nga inwaragawag ti Department of Justice (DOJ) a naidatagen dagiti kaso a panangpapatay (murder) iti sumagmamano a tattao a nairaman iti pannakapapatay dagiti mapukpukaw a mammallot.
Malaksid iti pammapatay, nairaman ti kaso a kidnapping with serious illegal detention ken multiple murder, ken dadduma pay, mainaig iti panagpukaw ti 34 a mammallot kadagiti pito a nadumaduma nga insidente a napasamak iti nagbaetan ti 2012 ken 2022.
Manamnama a mangiruaren ti panel of prosecutors iti maysa a resolusion a mangikeddeng no mawaswas ti darum wenno maikamangen iti umisu a korte.
Nadaras a pannakairuar ti ayuda kadagiti naapektaran ti didigra, imbilin ni Marcos
Segun ken ni acting PNP chief Lt. Gen. Jose Melencio Nartatez, Jr., sisasagana ti Criminal Investigation and Detection Group (CIDG) ken lokal a polis a mangipaay iti ania man a tulong iti korte, ket dinagadagda ti publiko nga agbalin a kalmado ken bay-anda nga agtulid ti legal a proseso. (Aaron Recuenco/Manila Bulletin//Lito Hilidon/Bannawag)
