Kinemmeg ti National Bureau of Investigation (NBI) ti pito a tattao a mangpatpataray iti mapapati nga awan lisensiana a medical clinic iti Siudad ti Makati, babaen ti entrapment operation nga insayangkatda iti Lavender Clinic idi Oktubre 16.
Binigbig ti NBI dagiti naarestar a da Maria Gerielyn Baris Serrano, Mariam Elias Sinallimbo, Ismayra Solayman Indao, Zurika Tegel Pasandalan, Princess Dilangalin Indai, John Lloyd San Juan Romero, ken Marcian Dilangalin Indao.
Segun iti NBI, naipilan ti kaso a maibusor kadagitoy iti Makati City Prosecutor’s Office a panaglabsing iti Section 10 ti Republic Act (RA) No. 2382, wenno ti Medical Act of 1959, ken Section 11(a) ti RA No. 9711, wenno ti Food and Drug Administration Act of 2009.
Bayat ti inasayangkat nga operasion ti NBI-NCR, natiliwan dagiti pito nga adda ar-aramidenda a medical procedure uray saanda a lisensiado.
Mapukpukaw a nobia, nasarakan iti Pangasinan
Nagtignay ti NBI gapu iti reklamo ti maysa a babai a naimpektar ti sugatna idi nagpa-thread lift iti nasao a klinika.
Naammuan ti NBI nga awan ti lisensia dagiti pito a medical professional ket bassit laeng ti panagsanayda manipud iti ganggannaet nga amongda.
Natakuatan ti Food and Drug Administration (FDA) a dagiti produkto nga us-usaren ti klinika ket saan a nakarehistro. (Jeffrey Damicog/Manila Bulletin//Lito Hilidon/Bannawag)
