Pimmusayen ti chief legal counsel ni Presidente Marcos Jr. a ni Juan Ponce Enrile itay malem, Nobiembre 13, iti tawenna a 101.
Kinompirmar daytoy ti anakna a ni Katrina Ponce Enrile.
Segun ken ni Katrina, pimmusay ti amana itay 4:21 iti malem iti pagtaenganda ken iti sidong ti pamiliana, kas kiniddaw daytoy.
Pinadayawan ni Katrina ti amana a beterano iti politika, a nangidaton iti biagna iti serbisio publiko.
Nasional
Mapukpukaw a nobia, nasarakan iti Pangasinan
Nagyaman ni Katrina kadagiti nangidaton iti kararag para iti amana.
Innayon ni Katrina a maipakaammo no kaano a maaramid ti public viewing kalpasan a mapagsasaritaanda iti pamiliada.
Naipan iti intensive care unit ti maysa nga ospital ni Enrile idi Martes, Nobiembre 11. (Betheena Unite/Manila Bulletin//Lito Hilidon/Bannawag)
