Naluktanen ti 2nd Maestra Merced Pundador Awards (MMPA(, kas impakaammo ti MMPA Secretariat. Kas iti 1st MMPA, silulukat  daytoy a salip kadagiti agtutubo nga Ilokano (agtawen iti 13-18), agad-adalda man wenno saan, ken agnaedda man iti Filipinas wenno iti ballasiw-taaw. Imatonan ti Pamilia Bermudez-Pascua ti pasalip babaen ti pannarabay  ti GUMIL Pangasinan ken GUMIL Filipinas. Agtaud ti pondo manipud iti Pamila Bermudez Pascua ken iti premio ti libro a Dagiti Pundador a napadayawan a “Best Novel in Ilokano” iti 40th National Books Awards nga inwayat ti National Book Development Board ken ti Manila Critics Circle.

SIUDAD TI LAOAG. Iti pannakapadayaw dagiti agtutubo a mannaniw a nangabak iti Salip iti Daniw ti 1st Maestra Merced Pundador Awards a naangay iti Ilocos Norte Provincial Library idi Septiembre 27, 2025, da (mangrugi iti maikanem, agpakanawan) Bernice Andres (Brgy. Parado, Dingras, I.N.), Pammadayaw a Gunggona; Princess Nicole U. Mabbagu (Brgy. Bagot, Dingras, Ilocos Norte), Maika-3 a Gunggona; Eugene Nacino (Brgy. Abaca, Bangui, Ilocos Norte), Maika-2 a Gunggona; ken Ramae Angely Mangoba (Brgy. Hilario, Banna, Ilocos Norte), Umuna a Gunggona. Nakatugaw iti sango ti Pamilia Bermudez, sponsor ti salip, nga idauluan ni Apo Prescillano N. Bermudez (tengnga).

Dagiti pagannurotan:

1. Silulukat ti Maikadua nga MMPA Salip Daniw Agtutubo kadagiti amin nga agtutubo nga Ilokano (agtawen iti 13-18), agbasbasada man wenno saan, agindegda man iti Filipinas wenno iti ballasiw-taaw. Mapalubosan pay a makisalip dagiti nangabak iti 1st MMPA Salip Daniw no la ketdi awan  pay naipablaakda uray maysa laeng a daniw iti Bannawag sakbay ti panangrugi ti salip.

2. Mangrugi ti salip iti Nobiembre 21, 2025 ken aggibus inton Pebrero 28, 2026.

TAO, LUGAR PASAMAK: Panagbanniit iti 'Golden Gate Bridge of Santa, Ilocos Sur'

3. Maysa laeng a daniw ti isalip ti tunggal autor.

4. Saan nga at-atiddog ngem 30 a linia ti daniw a maisalip a mai-typeset iti Letter size (8.5” x 11”), Times New Roman, Font Size 12, Medium, addaan iti Normal a margin, ken iti MS Word Format.

5. Siwawayawaya ti autor a mangpili iti tema ti suratenna a daniw.

6. Nasken nga orihinal, di pay naipablaak wenno naadaw iti ania man a sinurat ti isalip a daniw. Nasken met a saan a naipatarus ti pakisalip manipud iti sabali a lengguahe ken nasken a bukod a putar ken awan pay naipablaak a bukodna a daniw iti panangrugi toy salip - malaksid iti daniw dagitti umuna a nangabk.

7. Agusar ti autor iti pen name iti pakisalipna a daniw.

8. Malaksid iti entry (File 1), mangipatulod met iti pakasaritaan ti autor iti sabali a file (File 2). Ilanad iti File 2 dagitoy: paulo ti pakisalip, pudno ken parbo nagan, kaudian a ladawan, ababa a pakasaritaan ti biag, home (agdama a pagnaedan0, ken numero ti selpon.

9. Aggiddan nga ipatulod ti pakisalip (File 1) agraman ti pakasaritaan ti autor (File 2) iti daytoy nga e-mail address: [email protected].

9.1 Isurat/ilanad iti Subject ti: PAKISALIP maika-2 MMPA. Saan a mairaman iti salip ti/dagiti entry a maawat kalpasan ti Pebrero 28, 2026.

10. Dagiti gunggona: Umuna a Gunggona, PhP5,000.00 ken Gold Medal; Maikadua, PhP3,000 ken Silver Medal; ken Maikatlo, PhP2,000.00 ken Bronze Medal.

11. No matakuatan a sinalungasing ti mangabak ti Pagannurotan Blng. 6 maibabawi ti premiona ken mapawilanton a makisalip iti ania man a pasalip ti MMPA.

12. Adda karbengan ti MMPA a mangilibro wenno mangpaipablaak kadagiti entry - nangabak man wenno saan - iti pilina a magasin wenno social media platform nga awan sungsungbatanna iti autor. Awan met sungsungbatan ti autor iti MMPA no kayatna nga ipablaak/paipablaak ti daniwna iti pilina a magasin, libro, wenno social media platform.

13. Mapakaammuanto dagiti mangabak apaman a mapili dagitoy ti Hunta ti Hurado ken aprobaran ti MMPA Secretariat.

14. Mapadayawan ken maited ti premio dagiti mangabak iti programa ti  pammadayaw GUMIL Filipinas Dap-ayan 2026.