1. Naluktan idi Nobiembre 3, 2025 ti Salip iti Ababa a Sarita (Flash Fiction) ti Yubuyoban Literary Awards 2025. Aggibus daytoy iti Pebrero 28, 2026 (11:59 PM). Isponsoran daytoy dagiti fellows ti Pasnaan 11. Ti Pasnaan ti literary workshop a para kadagiti agdadamo nga agsurat iti Ilokano ken tinawen nga ang-angayen ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw.

2. Nairanta daytoy a salip iti ababa a sarita kadagiti mannurat iti Ilokano nga adda iti high school ken kolehio. Kualipikado a makisalip ditoy dagiti estudiante iti Junior (Grado 7-10) ken Senior (Grado 11-12) High School ken kolehio nga awan pay naipablaakna a sarita wenno ababa a sarita iti Bannawag.

3. Maikkan ti autor iti wayawaya a mangpili iti topiko ti isalipna a sarita.

4. Agatiddog ti isalip a sarita iti di nababbaba ngem 500, ken saan met a nasursurok ngem 700 a balikas iti letter size (8.5” x 11”), Times New Roman, font size 12, medium, iti doble espasio (2.0), addaan iti normal a margin, ken iti MS Word document format.

TAO, LUGAR PASAMAK: Panagbanniit iti 'Golden Gate Bridge of Santa, Ilocos Sur'

5. Maysa laeng a sarita ti mabalin nga isalip ti tunggal autor.

6. Nasken nga orihinal, di pay naipablaak wenno naadaw iti ania man a sinurat, ti isalip. Nasken met a saan a naipatarus ti pakisalip manipud iti sabali a lengguahe ken nasken a bukod a putar ti autor ti pakisalipna.

7. Iti sarita a maisalip, ilanad ti autor ti paulo ti saritana ngem dina iramraman ti naganna (pudno man wenno parbo a nagan). Ipatulod ti pakisalip babaen ti e-mail. Mangipatulod iti pakasaritaan ti autor iti sabali a file. Ilanad iti nasao a file dagitoy: paulo ti pakisalip, nagan, kaudian a ladawan, ababa a pakasaritaan ti biag, adres ti agdama a pagnaedan, pagadalan, ken numero ti selpon. Mangipatulod pay ti autor iti certificate of enrollment manipud iti prinsipal wenno dekano ti eskuela a pagbasbasaanna.

8. Aggiddan nga ipatulod ti pakisalip (umuna a file) agraman ti pakasaritaan ti autor (maikadua a file) ken ti certificate of enrollment (jpeg wenno pdf) iti daytoy nga e-mail address: [email protected]. Iti subject ti e-mail, ilanad daytoy: ENTRY YUBUYOBAN LITERARY AWARDS 2025. Saan a mairaman iti salip ti entry a maawat kalpasan ti deadline.

9. Dagiti gunggona: Umuna a Gunggona, Php 5,000.00 ken sertipiko; Maikadua, Php 4,000.00 ken sertipiko; Maikatlo, Php 3,000.00 ken sertipiko; Maikapat, Php 2,000.00 ken sertipiko; ken Maikalima, Php 1,000.00 ken sertipiko. Adda met karbengan dagiti hurado a mangkissay iti bilang dagiti mangabak no awan ti makapatar iti bukodda a pagbatayan dagiti mangabak.  Mabalin met a mangparnuayda iti sabali wenno nayon a gunggona, no kasapulan.

10.No m atakuatan a sinalungasing ti mangabak ti ania man kadagiti Pagannurotan Blng. 2 ken Blng. 6, maibabawi ti premiona ken mapawilanton a makisalip iti ania man a pasalip ti Yubuyoban Literary Awards.

11. Pinal ken saan a mabalusingsing ti pangngeddeng dagiti hurado.

12. Mapakaammuanto dagiti mangabak no kaano ken sadino ti pakapadayawanda