Indauluan ni Mayora Edna Cabalo-Sanidad, DMD, ti pormal a pannakalukat ti signage nga “I LOVE NARVACAN” itay Disiembre 8, 2025 a nabangon iti sungadan ti Narvacan Farmers Market.
Kinuna ni Mayora Sanidad nga apagisu ti pannakaileppas ti signage ta naikamakam iti panangrugi ti panagpiesta ti Narvacan a kas panglagip iti maika-449 a panagbalinna nga ili.
Ti signage ti ad-adda pay a nangpapintas iti pakabuklan ti mairingringpas a Narvacan Government Center a nakaaramidan ti Farmers Market, ti kakaisuna a solar powered a merkado publiko iti Ilocos Sur, ken adda met laeng iti abayna ti agdindinamag a Narvacan Dancing Fountain, playgroud ken parke, ken ti yan ti Noah’s Shipwreck Park nga adda iti mabangbangon a baro a munisipio ti Narvacan.
Kadua ni Mayora Sanidad iti ribbon cutting da Sangguniang Bayan Members Luis Charles Singson, Michael Velasco, Gina Cordero, Teofilo Cabreros, ken Jose “Satok” Corrales, ken Municipal Administrator Atty. Jamyrah Sanidad.
Farm specialist iti Abra, napaltogan
Kas kinuna ni Narvacan Municipal Engineer Danny Cabatan, nainaw ti proyekto idi panawen ni Mayor Pablito Sanidad. Ni Bing Battad ti nangdisenio iti signage.
