Inawat ni Presidente Marcos Jr. ti dagiti kredensial wenno pakabigbigan dagiti kaddutok nga embahador dagiti pagilian a Chile ken China, ket impaganetgetna ti gagem ti Filipinas a mangpatibker iti napaut a panagkadua ken panangiwardas kadagiit parikut iti transparensia ken diplomasia.
Iti seremonia a naangay iti Malakanyang, pinasangbay ni Marcos da Embahador ti Chile Felipe Alejandro Diaz Ibañez ken Embahador ti China Jing Quan, a pormal a panangrugi ti trabahoda kas diplomat iti Manila.
Nagkumit dagiti dua nga embahador a papigsaenda pay ti pannakigayyemda iti Filipinas, ket inkarida nga aramidenda amin a kabaelanda tapno mapasayaat ti panagtinnulong ken agtalinaed ti panaggagayyemda.
Ti pannakaiparang dagiti kredensial ket maysa a gagangay a diplomatic rite a kas tanda ti opisial a panangrugi ti trabaho ti embahador ken ti panagkumit dagiti pagilian iti natalged ken naimbag a relasion. (Argyll Cyrus Geducos/Manila Bulletin//Lito Hilidon/Bannawag)
