Kiniddaw ti National Bureau of Investigation (NBI) iti International Criminal Police Organization (Interpol) a mangipaulogda koma iti red notice a maibusor ken ni dati a kongresman Zaldy Co nga indeklarar ti Sandiganbayan a pugante.
Kinompirmar daytoy ni panakangiwat ti NBI Palmer Mallari ita nga aldaw, Disiembre 12.
Segun ken ni Mallari, nagkiddawen ti NBI iti red notice manipud iti Interpol idi pay Nobiembre 23, dua nga aldaw kalpasan nga imbilin ti Sandiganbayan ti pannakaarestar ni Co ken dagiti kaduana a naidarum iti tallo a kaso mainaig iti ₱289.5 a milion a naanomalia a flood control project iti Naujan, Oriental Mindoro.
Maysa kadagitoy ti di mapiansaan a kaso a malversation of public funds babaen ti panangpalsipikar kadagiti public document.
Tignay ti Kamara iti kaso nga impeachment kontra ken ni VP Sara, maammuan ita nga aldaw
Bayat a masursurat daytoy a damag, saan pay a kinompirmar ti Department of Justice (DOJ) no addan red notice nga inyetnag ti Interpol. (Jeffrey Damicog/Manila Bulletin//Lito Hilidon/Bannawag)
