Agarup kagudua kadagiti nataengan a Filipino ti manginanama a sumayaat ti kalidad ti panagbiagda itoy a 2026, segun iti kaudian a surbey ti Social Weather Stations (SWS).
Nairuar idi Disiembre 30, natakuatan iti nailian a survey ti SWS—a naisayangkat manipud Nobiembre 24 agingga iti 30—a namnamaen ti 44 a porsiento kadagiti nataengan a Filipino a sumayaat ti kalidad ti panagbiagda iti sumaruno a 12 a bulan. Patien met ti sabali pay a 38 a porsiento nga agtalinaed latta ti addan a panagbiagda, idinto a walo a porsiento (8%) ti mangnamnama a kumaro ri kasasaadda. Agarup siam a porsiento (9%) ti saan a simmungbat.
Maibatay kadagitoy a resulta, nakairekord ti SWS iti Net Personal Optimism score a +36—a nakuenta kas porsiento dagiti mangnamnama (optimista) kompara kadagiti agduadua wenno saan a mamati (pesimista)—a naklasipika kas “nangato unay.” Dandani saan a nagbaliw daytoy manipud iti "nangato unay" a +35 a nairekord idi Septiembre 2025.
Napaliiw ti SWS a nupay in-inut a bimmaba ti optimismo bayat ti panagtaeng (panaglakay, panagbaket), impakita dagiti naub-ubing a Filipino ti kapigsaan a panagtalek iti masakbayan.
'Summer capital' ti Pangasinan, pinasiar ti nasurok a 100 a ribu a turista
Nairekord ti survey ti yaadu ti nagsungbat kadagiti kaaduan a grupo ti edad no idilig iti Septiembre 2025, partikular kadagiti agtawen iti 18–24 ken 25–34.
Kangatuan met ti optimismo kadagiti nagturpos iti kolehio ken senior high school student.
Babaen ti nagteng nga edukasion, nangato ti Net Personal Optimism kadagiti nagturpos iti kolehio (+44) ken iti senior high school (+44).
Nagtalinaed met nangato unay kadagiti nagturpos iti junior high school ken elementaria, ken manipud iti nangato agingga iti nangato unay kadagiti saan unay a pormal ti panageskuelada.
Nainterbiu ti Fourth Quarter 2025 Social Weather Survey ti 1,200 a nataengan (adult) iti entero a pagilian babaen ti face-to-face interview, nga addaan iti agpapada a sample manipud iti Metro Manila, Balance Luzon, Visayas, ken Mindanao. Addaan ti surbey iti ±3 a porsiento a puntos a margin ti biddut para kadagiti nailian a resulta. (Merlina Hernando-Malipot/MB)
