Maysa nga agmaymaysa a mammaltog ti nangpapatay iti maysa a farm specialist ti Mount Carmel Agri-Tourism and Training Center iti Sitio Sinilagan, Barangay Lusuac, Peñarrubia, Abra, idi Martes, Disiembre 30.
Binigbig dagiti polis ti biktima a ni Daniel Fatorog Pog-ok, 53, taga-Sadanga, Mountain Province.
Segun iti imbestigasion, matmaturog ti biktima iti kuartona iti training center idi sinerrek ti suspek babaen ti panangburak daytoy iti door knob. Pinaltoganna ti ulo ti biktima.
Kinondenar ti Abra Diocesan Teachers and Employees Multi-Purpose Cooperative, a mangimatmaton iti nasao a pasilidad, ti pammapatay.
Mount Lammin iti Ilocos Norte, agtalinaed a nakaserra iti publiko
Kuna dagiti makaam-ammo ken ni Pog-ok a nasingpet, nagaget, ken nalaing a mannursuro iti benneg ti agrikultura.
Agtultuloy ti follow-up investigation dagiti autoridad tapno maammuan ti motibo ti krimen. (Zaldy Comanda/MANILA BULLETIN)
