ILOCOS SUR. Nakagun-od ti LGU Narvacan iti tallo a premio iti pannakaangay ti 2026 Ilocos Sur Festival, a nagkunaan ni Mayora Edna C. Sanidad a napintas daytoy a rubuat ti Tawen 2026. Malaksid iti tropeo, naipaayan pay ti nasao nga ili iti cash prize a P100,000 iti panagkampeonna iti Tractor Float iti Agri Day; P200,000 iti Float Competition (maika-3 a Gunggonna); ken P40,000 iti Best Dressed Booth (maika-3 a Puesto). Ti festival ket paset ti pannakarambak ti maika-208 a panagbalin ti Ilocos Sur a probinsia idi maisina daytoy iti Ilocos Norte. Makita iti ladawan dagiti tallo a fascimile check a gunggona ti LGU Narvacan nga iggem dagiti LGU official nga idauluan da Mayor Edna Cabalo-Sanidad, DMD, Bise Mayor Margarito Tejada, SBM Mark Jun Tejada, SBM Michael Velasco, SBM Jose “Satok” Corrales, SBM Teofilo Cabreros, Tourism Officer Chatriane Cabamungan, ken dadduma pay nga opisial ken empleado ti gobierno lokal ti Narvacan. (ELISEO B. CONTILLO)
