Kinemmeg dagiti kameng ti National Bureau of Investigation (NBI) ti 14 a tao a mangbikbiktima kadagiti retirado ken nakapuy a tattao iti scam iti Clark Freeport iti Pampanga.
Segun iti NBI ita nga aldaw, Pebrero 25, naisayangkat ti pannakaarestar dagiti suspek babaen ti bileg ti Warrant to Search, Seize, and Examine Computer Data (WSSECD) nga impaulog ti Makati City Regional Trial Court (RTC) Branch 132.
Nasamsam dagiti elektroniko a gamigam a maus-usar iti operasion kas iti napigsa a computer ken selpon, adu a SIM card a mausar iti manangallilaw a komunikasion ken detalyado a listaan ti personal nga impormasion dagiti biktima.
Segun iti NBI, mairaman iti "social engineering" a modus ti grupo ti panangalada kadagiti personal a datos babaen ti panangallilawda kadagiti puntiriada a biktima ken mangidiaya iti palso nga investment.
Kalpasan a katiken ti biktima ti phishing link, mapilitda a mangideposito iti dakkel a gatad iti palso a platform, ngem saanton a maakses ti biktima ti platform kalpasan a maited ti kuarta.
Apidabit ti tunggal maysa iti 18 nga ex-marines, kiniddaw ti Ombudsman
Maidarum dagiti 14 a suspek iti panaglabsing iti Republic Act (RA) 10175, wenno ti Cybercrime Prevention Act, ken iti RA 12010, wenno ti Anti-Financial Account Scamming Act. (Jeffrey Damicog/Manila Bulletin//Lito Hilidon/Bannawag)
