Inlaksid ni dati a presidente Rodrigo Duterte ti karbenganna a dumar-ay iti tinawen a pannakabista a maangay inton Pebrero 27 mainaig iti pannakarepaso ti pannakaiditenarna iti International Criminal Court (ICC) iti The Hague, Netherlands.
Iti surat a naipatulod iti Pre-Trial Chamber I (PTC 1) ti ICC idi Pebrero 23, impalgak ni Duterte ti panggepna a mangilaksid iti karbenganna a dumar-ay iti tinawen a hearing a a mangrepaso iti agtultuloy a pannakaiditenarna.
Segun ken ni Duterte, inlawlawag kenkuana ti abogadona dagiti mabalin a pagbanagan ti pangngeddengda a saan a dumar-ay, ken itaklinnan daytoy kadagiti talkenna nga abogadona iti ICC.
Innayon ni Duterte a saanna a kayat ti makipaset iti hearing iti ruar ti courtroom babaen ti teknolohia a para iti komunikason.
Saan nga imbaga ni Duterte no ania ti makaigapu iti saanna nga idadar-ay iti hearing.
Apidabit ti tunggal maysa iti 18 nga ex-marines, kiniddaw ti Ombudsman
Awan pay ti panggeddeng ti ICC iti kaudian a kiddaw ni Duterte a saan a dumar-ay iti legal a proseso a maar-aramid mainaig iti kasona a crimes against humanity of murder and attempted murder. (Rocky Nazareno/Manila Bulletin//Lito Hilidon/Bannawag)
