Naipila ti ethics complaint a maibusor ken ni Senador Ronald "Bato" dela Rosa ita nga aldaw, Pebrero 25, gapu iti nasuroken a tallo a bulan a kaawanna iti Senado.
Indatag ti civil society group a “Wag Kang KuCorrupt” nga idadauluan ni dati a Finance Undersecretary Prof. Cielo Magno.
Segun iti reklamo ni Magno, ti agtultuloy a kaawan ni Dela Rosa iti Senado, mangipakita saan laeng a ti panangbaybay-ana iti annongenna, no di ket maysa a panangabuso iti pribilehiona ken ti panagtalek nga inted kenkuana dagiti tao kas senador.
Dinakamat ni Magno dagiti gagangay a mangmangged ken empleado a saan nga agsueldo no nabayag a saan a sumrek iti trabahoda, ken kadawyan a madusa, maksayan ti sueldo, masuspenso, wenno maikkat iti trabahoda.
Inanamaen ni Magno a tamingen a dagus ti Senate Committee on Ethics daytoy a reklamo a maibusor ken ni Dela Rosa, ket yetnagda ti umisu a dusa.
Apidabit ti tunggal maysa iti 18 nga ex-marines, kiniddaw ti Ombudsman
Innayon ni Magno a saan koma a panuynoyan ti Senado ti kastoy a trabaho ti opisial ti gobierno -- ti agtultuloy a panaglangan ken saan a pannakatungpal iti annongen a kas senador.
Segun ken ni Senador Joseph Victor "JV" Ejercito, addan innem nga ethics complaint a naipila iti komite. (Dhel Nazario/Manila Bulletin//Lito Hilidon/Bannawag)
