Imbilin ti Department of Agriculture (DA) ti nainget a panangbantay ken panangtulong tapno masalakniban dagiti nagmula iti kamatis gapu iti ilalaka ti presio ti kamatis iti taltalon.
Bimmaba ti farmgate price ti lokal a kamatis iti ₱7 kada kilo iti Mountain Province, Nueva Vizcaya, Nueva Ecija, ken Tarlac, segun iti datos manipud iti Samahang Industriya ng Agrikultura (SINAG).
Segun ken ni panakangiwat ti DA Assistant Secretary Arnel De Mesa, komkompirmarenda ti presio ti kamatis kadagiti pagtagilakuan.
Binilin metten ni DA Secretary Francisco Tiu Laurel Jr. dagiti regional office a makikoordinar no asino kadakuada ti mabalin a manggatang iti kamatis manipud kadagiti mannalon ken mangsapul iti katulag a mangilako.
Kitkitaen ti DA ti posibilidad nga ilako dagitoy a kamatis kadagiti Kadiwa ng Pangulo (KNP) outlet.
Adda umdas a pangibatayan tapno makompirmar ti kaso ni Duterte --ICC prosecution
Maysa pay a pamuspusan ti pannakiuman ti regional office kadagiti local government units (LGU), kasta met iti dadduma pay nga stakeholder, tapno tingitingenda ti pannakiasmang kadagiti pagtagilakuan tapno masigurado a magatang latta dagiti kamatis iti nainkalitengan a presio kasanguanan ti panagaapit iti kamatis.
Kaaduan ti agapit iti kamatis manipud Marso aginga Mayo.
Segun ken ni SINAG executive director Jayson Cainglet, masapul a di nababbaba iti ₱15 kada kilo ti paggatang iti kamatis tapno saan met a malugi dagiti mannalon. (Stephanie Sevillano/PNA//Lito Hilidon/Bannawag)
