Impalgak ni Presidente Marcos Jr. ita nga aldaw, Marso 3, a mapanen a 1,416 ti bilang dagiti Filipino a nagkiddaw nga agawiden iti Filipinas, gapu iti maar-aramid a gubat iti Middle East.
Segun ken ni Marcos, 297 a Filipinos iti Israel, 22 iti Jordan, 231 manipud iti Bahrain, 586 iti Dubai, ken 270 manipud iti Abu Dhabi ti nagkuna a kayatda ti agawiden.
Ngem inaklon ni Marcos a narigat pay a mapaawid dagitoy ta nakaserra pay laeng dagiti eropuerto kadagiti nadakamat a pagilian.
Iti panangtingiting ti gobierno, napeggad ti mangipatayab iti eroplano iti daytoy a situasion idinto a nakaserra dagiti eropuerto ken naideklarar a "no fly zone" dagitoy.
Nupay kasta, impanamnama ti gobierno nga agsapsapulda it pamuspusan tapno mairuar dagiti Filipino sadiay a natalged.
Apidabit ti tunggal maysa iti 18 nga ex-marines, kiniddaw ti Ombudsman
Imbalakad ni Marcos kadagiti Filipino nga adda iti Middle East nga agtalinaedda iti natalged a lugar ken umadayoda kadagiti napeggad a lugar, ken surotenda ti pakdaar ti gobierno ti pagilian a yanda.
Innayon ni Marcos a kaumanna dagiti gagayyem iti Estados Unidos ken Israel tapno maikkan ida kapanunotan no ania ti rumbeng nga aramiden. (Betheena Unite/Manila Bulletin//Lito Hilidon/Bannawag)
