Inanamongan ti Committee on Suffrage and Electoral Reforms ti Kamara ita nga aldaw, Marso 3, ti substitute bill para iti Anti-Political Dynasty Law, a mangiparit kadagiti adda iti second degree of consanguinity or affinity.
Indauluan ni Lanao del Sur 1st district Rep. Zia Alonto Adiong ti panangtaming iti 25 anti-political dynasty bill a naipila iti komite iti maika-20 a Kongreso.
Inadaptarda kas substitute bill ti House Bill (HB) No. 6771 nga impila da House Speaker Isabela 6th district Rep. Faustino "Bojie" Dy III ken Majority Leader Ilocos Norte 1st district Rep. Sandro Marcos, a kaaduan ti suporta ken co-authorship, a nasuroken a sangagasut.
Kuna ni Adiong nga idatagda ti committee report iti plenario ti Kamara inton umay a lawas tapno tamingenda daytoy iti plenary debates.
Maibasar iti naadaptar a bersion, maiparit ti agiddan a panangakem iti mabotosan a pagsaadan dagiti asawa ken kabagian agingga iti second civil degree of consanguinity or affinity, lehitimo man wenno saan a lehitimo, full wenno half-blood.
Apidabit ti tunggal maysa iti 18 nga ex-marines, kiniddaw ti Ombudsman
Iti national level, maiparit ti asawa ken dagiti kabagian nga agingga iti second-degree nga aggiddan nga agakem iti ania man a nailian a pagsaadan kas iti Presidente, Bise Presidente, ken Senador. Kasta met iti agpada a gobierno probinisial, agpada a siudad wenno ili, ken agpada a barangay.
No maanamongan, mangrugi a maipakat daytoy a linteg inton sumaruno nga eleksion. (Ellson Quismorio/Manila Bulletin//Lito Hilidon/Bannawag)
