Pormal a naiteden ti Committee on Justice ti Kamara ita nga aldaw, Marso 5, ti “Notice to Respondent” para ken ni Bise Presidente Sara Duterte tapno sungbatanna ti dua nga impeachment complaint nga indeklararda a sufficient in form and substance itay nabiit.
Babaen ti “Notice to Respondent” a naiturong iti Office of the Vice President (OVP) iti Cybergate Plaza iti Siudad ti Mandaluyong, nabilin ni Duterte a mangidatag iti beripikado a sungbatna iti las-ud ti nakedngan a panawen, kas maitunos iti House Rules para iti impeachment.
Naikkan ni Duterte iti 10 nga aldaw kalpasan ti pannakaawatna iti Notice ken mangipaay iti kopia dagiti nagreklamo kas maitunos iti Sec. 6 ti House Rules.
Nairaman iti Notice ti kopia dagiti impeachment complaint.
Maibasar iti House Rules iti impeachment, masapul a mangipaay ti respondent iti verified answer sakbay a mapan ti komite iti sumaruno a paset ti proseso ti impeachment.
Dati a sekretario ti DILG Sarmiento, nadutokan a baro nga adviser ti OPAPRU
Pinirmaan daytoy ni Committee on Justice Chairperson Batangas 2nd district Rep. Gerville Luistro.
Inawat ti OVP ti dokumento itay 10:44 iti bigat ita nga aldaw. (Ellson Quismorio/Manila Bulletin//Lito Hilidon/Bannawag)
