Simmangpet idi Marso 4 ti umuna a repatriation flight a nagluganan ti 299 a Filipino manipud iti Middle East, iti baet ti agtultuloy a gubat iti rehion.
Nagdisso iti Ninoy Aquino International Airport (NAIA) Terminal 3 ti eroplano nga Emirates flight EK336 a naggapu iti Dubai, segun ken ni Presidential Communications Office (PCO) Secretary Dave Gomez.
Nakalugan iti eroplano dagiti Filipino ken dadduma pay a biahero, turista, agraman ubbing, a nalakon iti Dubai ket kayatdan ti agawid iti Filipinas.
Indauluan ni Sekretario ti Department of Migrant Workers (DMW) Hans Leo Cacdac dagiti opisial ti gobierno a nangpasangbay kadagiti simmangpet a Filipino.
Segun iti Malakanyang, agtultuloy latta ti pannakiumanda kadagiti maseknan nga ahensia ti gobierno tapno matulongan dagiti Filipino iti ballasiw taaw no kumaro pay ti gubat iti Middle East. (Argyll Cyrus Geducos/Manila Bulletin//Lito Hilidon/Bannawag)
