Pormal a kiddawen ni Presidente Ferdinand R. Marcos Jr. iti Kongreso ti pannakaipaay ti emergency power kenkuana tapno maipababa ti excise tax iti produkto ti lana iti baet ti gubat iti Middle East.
Daytoy ti kinuna ni undersecretary ti Presidential Communications Office (PCO) Claire Castro kadagiti reporter iti New York City, Estados Unidos.
Innayon ni Castro a makikikoordinar dagiti opisial ti Department of Energy (DOE) iti Malakanyang mainaig iti daytoy.
Iti sabali a bangir, inwaragawag ni Castro nga adda show-cause order (SCO) nga impaulog ti DOE iti 54 a paggasolinaan gapu iti saan a nainkalintegan a panangipangatoda iti presio ti lakoda.
Imballaag ni Castro a mabalin a maidarum ken madusa dagiti kompania a mangabuso iti agdama a kasasaad. (Argyll Cyrus Geducos/Manila Bulletin//Lito Hilidon/Bannawag)
