Simmangpet ni Presidente Ferdinand R. Marcos Jr. iti New York, Estados Unidos ita nga aldaw, Marso 9, tapno tumabuno iti nadumaduma a taripnong iti United Nations (UN), a sadiay nga itandudona ti kappia iti baet ti gubat iti Middle East ken ti karbengan dagiti babbai.
Nagdisso ti eroplano ti presidente iti Newark Liberty International Airport.
Maysa kadagiti kapatang ni Marcos manipud Marso 9 agingga 10 ti UN Secretary-General a ni António Guterres, ken agbitla iti UN headquarters maipanggep iti panagkumit ti Filipinas iti pannakitinnulong iti internasional a komunidad ken pannakikadua kadagiti adu a pagilian.
Agsarita pay ni Marcos iti special plenary meeting ti UN General Assembly tapno agkiddaw ti suporta iti tarigagay ti Filipinas a maisaad iti non-permanent seat ti UN Security Council para iti 2027 agingga iti 2028.
Agpatangto met da Marcos ken Guterres mainaig iti kasasaad ti Middle East ken panangpasingked iti panangsuportar ti Filipinas iti UN ken iti maibatay iti linteg nga urnos iti sangalubongan. (Ruth Abbey Gita-Carlos/PNA//Lito Hilidon/Bannawag)
