Naikkan iti notice of violation dagiti 16 a gasolinaan iti Echague, Isabela gapu iti maipagarup a nalabes a kinangina ti lakoda a petrolio.
Natakuatan ti Municipal Fuel Monitoring and Enforcement Team (MFMET) ti panaglabsingda kalpasan ti pananginspeksionda kas maitunos iti Executive Order No. 07, Series of 2026.
Kuna ni Mayor Faustino "Inno" Dy a naibilin kadagiti nasao a gasolinaan nga isardengda a dagus ti maikaniwas nga aramidda ken naikkan ida iti 24 nga oras a mangidatag iti written explanation iti opisinana.
Agtungpal iti nadaras a pannakaipaserra, pannakakanselar iti business permit, ken pannakaidarum iti Department of Energy (DOE) ken iti Department of Justice (DOJ) dagiti saan a makatungpal.
Indagadag dagiti opisial iti publiko nga ireportda dagiti mapagduaduaan a pannakaingato ti presio ti gasolina ken saan a nainkalintegan a panaglako tapno masalakniban dagiti aggatgatang. (Liezle Basa Iñigo/Manila Bulletin//Lito Hilidon/Bannawag)
