Nagsarak da Presidente Ferdinand Marcos Jr. ken United Nations (UN) Secretary-General António Guterres iti UN Headquarters iti New York, Estados Unidos tapno pagsaritaanda ti nadumaduma a banag, agraman ti panagngayangay ti Filipinas a manggun-od iti non-permanent seat iti UN Security Council (UNSC) idi Marso 9 (oras iti New York), segun ken ni Undersecretary ti Presidential Communications Office (PCO) Claire Castro.
Kuna ni Castro nga inlungalong ni Marcos ti nabayagen a relasion a pannakitinnulong ti Filipinas iti United Nations.
Impasingked ni Castro ti panagkandidato ti Filipinas iti UNSC a naikeddeng a maangay ti panagbobotos inton Hunio 3, 2026, idinto nga ammo ni Marcos no ania ti maitulongda it pannakatimbeng dagiti bileg iti sangalubongan.
Impasingked met ni Guterres ti napateg nga akem ti Association of Southeast Asian Nations (ASEAN) iti pannakapapigsa ti panagtitinnulong iti sangalubongan.
Segun ken ni Castro, dinayaw ni Guterres ti ASEAN iti panangsalimetmetda iti panagturay ti internasional a linteg ken paangraem iti United Nations Convention on the Law of the Sea. (Betheena Unite/Manila Bulletin//Lito Hilidon/Bannawag)
