Kauman ti gobierno ti Filipinas dagiti opisial ti Portugal tapno mapagawid ni dati a kongresman Zaldy Co iti pagilian, ket sanguenna ti kasona a malversation of public funds.
Daytoy ti imbatad ni Presidente Marcos Jr. idi Marso 10 (oras iti New York) bayat ti pannakisaritana kadagiti kameng ti media iti The Pierre A Taj Hotel sakbay nga agsubli iti Filipinas.
Inlawlawag ni Marcos a nupay naidarum ni Co mainaig iti naanomalia a flood control project iti Oriental Mindoro, saan a mabalin nga arestaren dagiti polis ti Filipinas ni Co nga adda iti pagilian a Portugal.
Segun ken ni Marcos, kasapulan ti tulong ti gobierno ti Portugal tapno mapasubli ni Co iti Filipinas.
Kinuna ni Marcos a nagkiddawdan iti pannakaipaulog ti Red Notice kontra ken ni Co iti International Criminal Police Organization (Interpol), ket agtultuloy ti pannakiumanda iti gobierno ti Portugal tapno pagawidenda ni Co.
Dati a sekretario ti DILG Sarmiento, nadutokan a baro nga adviser ti OPAPRU
Maysa ni Co kadagiti 16 a naidarum mainaig iti naanomalia a flood control project iti Oriental Mindoro. (Betheena Unite/Manila Bulletin//Lito Hilidon/Bannawag)
