Indagadag ni Presidente Marcos Jr. idi Marso 10 (oras iti New York) iti internasional a komunidad ti panagteppel ken nadaras a pannaikapasardeng iti gubat iti Middle East, Ukraine, ken dadduma pay a nariribuk a rehion.
Iti plenary meeting ti United Nations General Assembly (UNGA) a naangay iti UN headquarters iti New York, kiniddaw ni Marcos kadagit amin a maseknan a raemenda ti internasional a paglintegan kasta met ti UN Charter ken ti humanitarian law.
Kiniddaw ni Marcos iti UN Security Council (UNSC) nga idauluanda ti panagregget ti sangalubongan a manglapped iti panagsusupiat dagiti pagilian, ket makipaset ti Filipinas iti internasional a komunidad a mangilungalong iti panagteppel, pananglapped ken pannakaisardeng dagiti panangranggas.
Indagadag met ni Marcos kadagiti maseknan a partido iti riribuk ken iti internasional a komunidad a tulonganda dagiti tao nga agsagrap iti nakakaasi ti kasasaad a pinataud ti gubat. (Ruth Abbey Gita-Carlos/PNA//Lito Hilidon/Bannawag)
