Agdagup iti 343 ti bilang dagiti Filipino, a kaaduanna ket overseas Filipino workers (OFWs), ti simmangpet iti Ninoy Aquino International Airport (NAIA) Terminal I idi agsapa ti Domingo, Marso 15, kalpasan a pinagawid ida ti gobierno ti Saudi Arabia ken Bahrain, iti baet ti panagtultuloy ti gubat iti Middle East.
Daytoy ti maikadua a grupo dagiti Filipino a kayatdan ti agawid gapu iti gubat, a pakairaman ti 328 nga OFW a kaduada dagiti annakda, segun ken ni Department of Migrant Workers (DMW) Secretary Hans Leo J. Cacdac.
Nagluganda iti Philippine Airlines (PAL) a binayadan ti Overseas Workers Welfare Administration (OWWA).
Da Cacdac, OWWA Administrator Patricia Yvonne Caunan, Department of Health (DOH) Undersecretary Gloria J. Balboa, ken dagiti mangibagi iti New NAIA Infra Corp. (NNIC), ti Department of Social Welfare and Development (DSWD), ken dadduma pay nga ahensia ti gobierno.
Apagsangpet dagiti OFW, naipaayanda a dagus iti hotel accommodation, medical check up, taraon, ken lugan nga agturong kadagiti probinsiada.
Dati a sekretario ti DILG Sarmiento, nadutokan a baro nga adviser ti OPAPRU
Maikkan dagiti OFW iti tulong pinansial ken gundaway a makipaset iti job fair, livelihood program, ken panagsanay nga idiaya ti Technical Education and Skills Development Authority (TESDA), agraman tulong medikal nga imatonan ti DOH. (Martin Sadongdong/Manila Bulletin//Lito Hilidon/Bannawag)
