Inyendorso ti Department of Justice (DOJ) iti Office of the Ombudsman (OMB) dagiti tallo a kaso ti malversation of funds a maibusor ken ni Senador Joel Villanueva mainaig iti mapapati a pannakairamanna iti anomalia dagiti flood control project kalpasan ti panagimbestigar dagiti prosecutor ti DOJ, segun ken ni panakangiwat ti DOJ Raphael Niccolo L. Martinez, idi Marso 17.
Kinuna ni Martinez a repasuen ti Ombudsman ti resulta ti panagimbestigar dagiti prosecutor ti DOJ, ket kitaenda no anamonganda ti resulta ti imbestigasion ken mangipilada iti kaso iti Sandiganbayan no umdas dagiti ebidensia.
Nupay kasta, saan nga imbaga ni Martinez no ania ti resulta ti panagimbestigar ti DOJ.
Kuna ti DOJ a dagiti tallo a kaso ti maikadua a batch dagiti kaso ti panagkunniber iti flood control project iti Bulacan a naited iti Wawao Construction ken Topnotch Catalyst Builders. (Jeffrey Damicog/Manila Bulletin//Lito Hilidon/Bannawag)
