Rugian ti Committee on Justice ti Kamara ti panangbistada iti kaso nga impeachment a maibusor ken ni Bise Presidente Sara Duterte inton Marso 25, segun ken ni daulo ti komite Batangas 2nd district Rep. Gerville Luistro.
Kalpasan daytoy ti panangideklarar ti komite nga adda umdas a pagbatayan (sufficient in grounds) dagiti dua nga impeachment complaint kontra ken ni Duterte ita nga aldaw, Marso 18.
Segun ken ni Luistro, mapanen iti maikapat a paset ti proseso ti impeachment nga isu ti hearing proper, a pakaidatagan iti testigo ken ebidensia dagiti agsinnumbangir a partido a pangkitaanda no adda probable cause ti impeachment complaint.
Impakaammo ni Luistro dagiti naikeddeng nga aldaw a pannakaangay ti hearing inton Marso 25, Abril 14, 22, ken 29.
Mangrugi ti recess ti Kamara inton Marso 19, ngem nangipaulog ti Kamara iti resolusion a mangipalubos iti komite a mangisayangkat iti hearing uray naka-recess ti Kongreso. (Ellson Quismorio/Manila Bulletin//Lito Hilidon/Bannawag)
