Nagtitipon dagiti Filipino a Muslim iti Quezon Memorial Circle iti Siudad ti Quezon ita nga aldaw, Marso 21, tapno rambakanda ti Eid’l Fitr, wenno ti panagleppas ti nasantuan a bulan ti Ramadan
Nangidaton dagiti Filipino a Muslim iti kararag iti bigbigat, a paset ti panangrambakda iti Eid’l Fitr, a panagleppas iti makabulan a panagayuno, panagkararag, ken panagmennamenna.
Segun iti Quezon City Bangsamoro Affairs Services naibasar ti panagngilin iti Eid’l Fitr iti opisial nga anunsio ti Bangsamoro Darul-Ifta’, a senial ti panagleppas ti Ramadan, wenno panawen ti panagayuno ken panangpatibker iti pammati.
Iti maysa a mensahe, inyebkas ti grupo ti pananginanamada ng awaten ni Allah dagiti sakripisio, kararag, ken kinaimbag dagiti agpampammati, ken agtultuloy ti pannakaiwanwanda iti panagkaykaysa ken kinalinteg. (Hannah Nicol/Manila Bulletin//Lito Hilidon/Bannawag)
