Rugian ti Department of Social Welfare and Development (DSWD) nga iwaras ti ₱5,000 a cash relief assistance (CRA) iti tunggal maysa a drayber ti transport network vehicle service (TNVS) iti Metro Manila inton Marso 24, kasta met dagiti dadduma pay a drayber ti public utility vehicle (PUV) kadagiti mapasungad nga aldaw.
Paset daytoy ti sayangkat ti gobierno a tulongan dagiti drayber a naapektaran ti ingingina ti persio ti lana.
Segun ken ni DSWD Assistant Secretary Irene Dumlao, nasuroken a 34,000 a drayber ti TNVS iti Kamanilaan ti makaawat iti tulong inton umay a lawas, a pakairamanan ti 20,000 a drayber ti dyip, 83,000 a delivery rider, ken 34,000 a drayber ti motorsiklo.
Kinuna ni Dumlao nga adda batang ti tunggal grupo ti drayber nga umawat iti ayuda, ket umuna ditoy dagiti TNVS driver inton Martes (Marso 24), sa dagiti drayber ti dyip inton Mierkoles (Marso 25), delivery riders inton Huebes ken Biernes (Marso 26 agingga 27), ken drayber ti motorsiklo iti Sabado (Marso 28).
Binilin ni Presidente Marcos Jr. ti DSWD a mangipaay iti pinansial a tulong kadagiti drayber ti PUV, a direkta nga inapektaran ti agtultuloy a panagngato ti presio ti lana gapu iti gubat iti Middle East.
Dati a sekretario ti DILG Sarmiento, nadutokan a baro nga adviser ti OPAPRU
Makiuman-uman ti DSWD iti Department of Transportation (DOTr) ken iti Land Transportation Franchising and Regulatory Board (LTFRB) iti panangisaknapda iti tulong kadagiti drayber iti dadduma a rehion. (Ellalyn De Vera-Ruiz/Manila Bulletin//Lito Hilidon//Bannawag)
