Indarum ni dati a senador Antonio Trillanes IV dagiti 18 nga “ex-Marines” ken uppat a television host ita nga aldaw, Marso 23, gapu iti mapapati nga inuulbod a pammabasolda kenkuana.
"Iti tunggal interbiu nga iruarda, adda kaso a maipila kontra kadakuada," kuna ni Trillanes kalpasan ti panangipilana iti kaso a cyberlibel iti Department of Justice (DOJ).
Naidarum dagiti 18 a dati a kameng ti militar a da Belnard E. Tube, Rosebert M. Waupan, Benny S. Bulontate, Johnny A. Buduan, Rodante P. Orbillo, Reyneboy O. Julian, Christopher T. Esquivel, George O. Villalon, Jr., Romeo Rommel O. Bobares, Gil N. Navidad, Jr., Anselmo Taberdo, Joely G. Cadioa, Rommel C. Galapon, Cecilio S. Larroder, Jr., Bernard A. Gumban, Crisanie L. Dado, Fidel M. Corpuz, ken Walter M. Manalansan.
Maipuon daytoy iti inangayda a press conference idi Pebrero 23 a kaduada ni abogado Levito Baligod, iti joint affidavit-da, iti pananginterbiu kadakuada ni Jessica Soho a naipabuya idi Marso 1, ken iti press conference a naangay idi Marso 5 iti programa ti TV station nga SMNI.
Kasta met dagiti uppat a host ti SMNI a da Byron "Banat By" Cristobal, Oliver "Coach Oli" M. Cristobal, "Master Judea," ken Arjay "Pareng Arjay" Piodina, a kinuna ni Trillanes a nangparnuay ken nangparubrob iti malisioso a pammabasolda kenkuana.
Dati a sekretario ti DILG Sarmiento, nadutokan a baro nga adviser ti OPAPRU
Impaganetget ni Trillanes a saan nga immawat iti maleta a napno iti kuarta manipud ken ni Elizaldy Co kasta met ti alegasion a pinsuksokanna dagiti kameng ti International Criminal Court (ICC) nga agim-imbestigar iti kaso ni dati a presidente Rodrigo Duterte.
Idi Marso, kaso a perjury ti impila ni Trillanes kontra kadagiti 18 nga “ex-Marines” idinto a cyberlibel ken incriminating an innocent person ti impilana a kaso kontra kada Baligod, Michael Defensor, Lorraine Marie T. Badoy, Jay Sonza, ken ni vlogger Cathay Binag. (Jeffrey Damicog/Manila Bulletin//Lito Hilidon/Bannawag)
