Isayangkat ti Department of Social Welfare and Development (DSWD) ti cash relief assistance (CRA) para kadagiti drayber ti public utility vehicle (PUV) iti ruar ti National Capital Region (NCR) kalpasan ti Semana Santa, tapno maep-ep ti epekto ti ngumatngato a presio ti lana iti pagbiaganda.
Segun ken ni DSWD Assistant Secretary Irene Dumlao, isagsaganadan ti sumaruno a paset ti pannakaiwaras dagit ayuda idinto nga agtultuloy latta ti payout para iti dadduma pay a drayber iti Metro Manila inton Marso 24.
Kuna ti DSWD nga agarup 27,635 a drayber ti Transport Network Vehicle Service (TNVS) ti nairanta nga umawat iti ayuda inton Martes, Marso 24, sa sumaruno ti agarup 21,700 a drayber ti dyip inton Marso 25.
Batang dagiti agarup 137,700 a delivery rider ti umawat iti ayuda inton Marso 26 ken 27, idinto a mapan a 27,600 dagiti drayber ti motorsiklo ken taxi ti makaala idi ayuda inton Marso 28.
Kuna ti DSWD a nairanta ti ₱5,000 a cash aid a tumulong kadagiti drayber a paggatang iti gasolina ken krudo ken pangsuportar iti kasapulan dagiti pamiliada iti baet ti ingingina ti presio ti lana gapu iti gubat iti Middle East. (Ellalyn De Vera-Ruiz/Manila Bulletin//Lito Hilidon/Bannawag)
