Rugianen ti House Committee on Justice ti pannakaiparang dagiti ebidensia ken testigo mainaig iti kaso nga impeachment a maibusor ken ni Bise Presidente Sara Duterte inton Mierkoles, Marso 25.
Idauluan ni Committee on Justice chairman Batangas 2nd district Rep. Gerville Luistro ti panangtamingda iti ground rules, dagiti kangrunaan a mosion, ken pannakabista dagiti dua nga impeachment complaint kontra iti bise presidente.
Tamingen ti komite dagiti pending motion, agraman dagiti kiddaw iti pannakaipaulog dagiti subpoena para kadagiti dokumento.
Mairaman kadagiti tamingen ti komite ti petision a maipasidong ni Ramil Madriag, maysa a kangrunaan a testigo, iti komite ti Kamara; kasta met ti maipagarup a conflict of interest iti dua nga abogado ni Duterte a da Michael Poa ken Reynold Munsayac -- a mabalin nga agbalin a testigo.
Segun ken ni Luistro, nakasagana ti komite nga agtignay a napardas iti evidentiary phase apaman a marisut dagitoy, ket no nakasaganan dagiti complainant, mabalindan ti mapan iti pannakaiparang dagit ebidensia ken testigo.
Dati a sekretario ti DILG Sarmiento, nadutokan a baro nga adviser ti OPAPRU
Impaganetget ni Luistro nga agbatay iti linteg dagiti amin nga aramidenda iti proseso ti impeachment, a dagiti laeng kameng ti komite ti mabalin a mang-cross examine kadagiti testigo. (Ellson Quismorio/Manila Bulletin//Lito Hilidon/Bannawag)
