Dinagadag ni Senador Risa Hontiveros ti gobierno idi Marso 23 a pardasanda koma a tamingen ti dumakdakkel a parikut dagiti drayber ti para iti publiko a transportasion agraman dagiti agbibiahe bayat ti agtultuloy a panagngato ti presio ti lana.
Segun ken ni Hontiveros, maluglugin dagiti modern jeepney iti ₱1,000 tunggal aldaw a panagpasadada, isu a kasapulan ti kongreto a solusion, malaksid pay iti pannakasuspenso ti excise tax.
Kinuna ni Hontiveros a napintas a pangrugian ti ₱5,000 a transport subsidy nga insayangkat ti gobierno ngem saan nga umdas daytoy ket masapul a mapasaknap pay.
Impila ni Hontiveros ti Senate Bill (SB) No. 1986, a mangisingasing iti ₱52.8 a bilion a transport subsidy package, agraman ti ₱12 a bilion a pondo a para iti kadagiti drayber ti public utility vehicle (PUV), delivery riders, ken operator ti transport network vehicle service (TNVS).
Impaganetget ni Hontiveros a kasapulan a suportaran dagiti kooperatiba a para iti transportasion, a mangibakbaklay iti paggatang iti krudo wenno gasolina ken panagbayad kadagiti baro a dyip.
Dati a sekretario ti DILG Sarmiento, nadutokan a baro nga adviser ti OPAPRU
Innayon ni Hontiveros a saan koman nga urayen ti gobierno nga agbalin a paralisado ti transportasion ken ngumato ti presio dagiti magatang, no di ket maipaayda koma a nadaras dagiti solusion nga ur-urayen dagiti umili. (Dhel Nazario/Manila Bulletin//Lito Hilidon)
